媽媽節

人越老越可愛。

媽媽節一起晚飯。媽子食物送到時我說:
「咦好大份喎, 食唔食得哂?」
「多多都食得哂，我好大食架，慢慢食都好，一定會食得哂」。
一個小時後媽子:
「唔得喇...我食唔到」
(剩下半碟...有半塊扒係冇郁過的)
哈哈。

晚飯後在商場裡閒逛，媽子看中一對耳環:
「好靚呀! 我今日生日喎，要買份生日禮物俾自己先」
「你一月架? 乜今日唔係母親節咩?」
「係喎....」
哈哈。

媽子買耳環之餘送了一個散紙包給我，非常浮誇的，有黑色心心加蝴蝶結，黑色心心加蝴蝶結，好厲害......其實明明是媽子自己喜歡，又用不著。

老爸一直在門外等，我們向他展露戰利品時他說:
「車! 朱義盛黎架!?」
(...咁你送唔係朱義盛既俾媽子啦!)
「(散紙包) 咩黎架? 低b到死，岩哂你!」
「..............係, 我都覺得好浮誇」
「丫, 你識唔識唱果隻浮誇? 我d同事個個電話都用呢首」
「......」 (點解話題突然轉得咁快)

老爸話自己最近常常聽衛詩的《傻女》。